Posts

Showing posts from May, 2023

259. Nju kiri Jesûükaarega,

 1.  Nju kiri Jesûükaarega,  Wije narua iji umwitikie:  Tontu arî aja Jesû wengwa.  Agikwiraga "Nju"!       Tükagwirua mono mono mma        Twagirua kumaramaraga;        Tütüûre nawe Mütwonokia,       Kenya mwanka kenya. 2.  Nju kîri Jesû ukaarega,  Reka luku rîkwonagîîrie;  Nirio riandiki njîra yawe,  Nawe ariuga "Nju"! 3.  Nju kîrî Jesû ukaarega,  Thikîîra kaju kau kawe;  Nandi umwitike na ugwîrue  Tontu ariuga "Nju"! 4.  Nju kîrî Jesû ukaarega  Murungu arîenda aguciare  Niuntu bwa Jesû akûrekere  Nawe ariuga "Nju"!

260. Nju nandi kîrî Jesû

 1.  Nju nandi kîrî Jesû,  utherue meeyia jaku,  Wirite mwoyo jwaku,  wetereete mbi?  Njũ ntuti utirakua,  utîthereetue meeyia  Kagita kari akui,  îjaanga nandi!       Wetereete mbi? Wetereete mbi?        Wetereete mbi? Wetereete mbi?       Kagita kari akui, Ijaanga nandi! 2.  Kagita ka wonokio,  üri nako nandi  Uri na kagita nandi,  wetereete mbi?  Ntuku ya igamba,  ükoona meeyia jaku  Na Shaitani etereete,  ithare o nandi! 3.  Ûkeebaebia mwoyo jwaku,  irigira Mwathani  Umenye jükaŭra b'ru,  ithare o nandi,  Kwiririria meeyia,  ka gugaagûta b'ru,  Thengeera Mwathi waku,  na umwambîîrie! 4.  Ntuti ukeeja gweteera,  kuumbwa ni meeyia jaku,  Kagita kari akuî  wetereete mbi?  Ntuku ya igamba,  ukoona Mwathani  Mwitikire o nandi,  weeteerete mbi?

261. Twite kiriwe

 1.  Twite kiriwe, twite kiriwe  Kiri Jesû nandi  Nandi twite kiriwe  Kiri Jesû nandi. 2.  Akwonokie, akwonokie,  Mütwonokia nandi;  Nandi akwonokie,  Mütwonokia nandi. 3.  Mwitîkagie, mwitikagie,  Jesû Kristo nandi; Nandi mwitikagie Jesû Kristo nandi. 4.  Tutugagwa, tutugagwa,  Nigwe Jesû nandi  Nandi tutugagwa Nigwe Jesû nandĩ. 5.  Njüüni ntuti, njuuni ntuti,   Kiri Jesû nandi,  Nandĩ njuuni ntuti  Kiri Jesû nandĩ. 6.  Mumbonokia, umbonokie, Umbonokie nandĩ;  Nandi umbonokie,  Mumbonokia, nandi. 7.  Türekerwe, türekerwe,  Meeyia jetu nandi;  Nandi türekerwe  Untu bwawe nandi.

262. Njuni bwinthe babui eeyia

 1.  Njuni bwinthe babui eeyia  Bwije kiri Jesû;  Bwone ûbooreri bwawe,  Akwenda kubua.      Mwitikieni, mwitikieni,       bumwitikie riu;       Ni Müküüri, ni Müküüri,       Müküüri wenu. 2.  Aaethiirue kigongwana,  Gia kuthiria meeyia;  Ararita mwoyo jwawe,  Ni kenda twoonoke. 3.  Njira iria ya Mwathani,  Ni ya ũbooreri  Ita njira yawe nandi  Ûkoone kügwirua 4.  Niu nandi batuî twinthe,  Twitanieni amwe;  Tütüûranie nawe Îgürũ,  Kenya mwanka kenya.

263. Wendo bwa Jesû ni bwega mono

 1.  Wendo bwa Jesû ni bwega mono, Kiri bwa nthigürü;  Nibu bwaatumire numa Igürü Kenda atwonokie     Ni wendo bûûjûri      Büügürikaga;     Coka o nandi muntű ümünogu,      Kiri wendo bûu. 2.   Nkoro ya Jesû ni îthongi mma  Yüüjüri ni wendo;  Kugwirua gwetu naakumenyaga  Kinya mookia jetu. 3.  Riitho riawe riri güntûkunthe, Rîraithaga nkoro;  Na rîkoona mathugania jonthe,  Kinya meeyia jetu. 4.   Kaju ka Jesû ni gakeega mma, Na ni kamariiru;  Tukathikîîre narua tukaigue  Natuĩ tuboorere. 5.  Twathîkireni mugambo jwawe, Jûgitwita nandi;  Tükanogoke wendo-ne bûu,  Büüjüri bwa Jesû.

264. Ni ünogeete na ni uthangikite

1.  Ni ünogeete na ni uthangikite,  Menyithia Jesû mathina jaku:  Wathangikua ni mitarataro?  Menyithia Jesû wenka.       Menyithia Jesû mathina jaku,       Ni mücoore, mwitikie;       Güti na mücoore ũngi tawe,      Menyithia Jesû wenka. 2.  Methori jaku ijakembereetie,  Menyithia Jesû mathina jaku;  Ni üümbitwe nî meeyia nkoro-ne,  Menyithia Jesû wenka. 3.  Uri-no-uguaa na rwakaï rwa nkoro,  Menyithia Jesû mathîna jaku;  Nüküthangîkua i jaria jakeeja,  Menyithia Jesû wenka. 4.  Wamakua i mathugania ja gikuũ,  Menyithia Jesû mathîna jaku;  Waiririria Unene bûu bwawe  Wîtîkie Jesû wenka.

265. Bau bakari ta njota

1.  Bau bakari ta njota  Igürû nüû na üü? Bekiritwe thiru înthongi Cia gukunîka mitwe? Nibo bamwinagira  "Müküüri Halleluya" 2.  Bau beekîrîte nguù  Cia wagiru bwa Jesû  Nacio ni ikweenia mono  Ni weru bwa Mwathani  Nabo i bathongi mma,  U mbira nia baumite? 3.  Bau nibo barüïîre Jesû Müküüri wao;  Nabo batathingatire  Njira imbarii cia nthi iji.  Nibarüire ndua Ya nthigürûboombana 4.  Nibo batwire na mookia,  Na minyamaro îmiingi  Nibaakanükiirue mono  Nabo niboomirîîrie, Gütkarîgia ndüa  Kana kieba Igürü. 5.  Bau nabo ni batwire  Bamwetereete mono  Na nkoro na miiri yao  Na bakimüthümbaga; Nandi kiri Mwathani,  Batwire na kugwîrua.

266. Atheru bonthe baria baakuire

 1.  Atheru bonthe baria baakuire,  Baakuumburire bati na uguaa;  Igwe Mwathani, urokumagua. Alleluya! 2.  Baicithaga o Inyenye yaku;  Nogwe Mübatongeeria njuûrîne:  Muundune juria, warî werû bwao. Alleluya! 3.  Ncamba cia nandĩ ciee cia Wîtîkio:  Irorujaga na antu bau:  Ijükie thiru y'ombani bwa mma Alleluya! 4.  Atheru barĩa ba ngwatanîro  Ya kitharimo barî n'okumio:  Na kinya tui turi amwe nabo. Alleluya! 5.  Riria magerio jaritüaga,  Twigagua wimbo wa njüüri yaku,  Tügookagfira tükoombanaga. Alleluya! 6. Küthüa kwa riua niku rwano rwa  Igiita ria künogoka gwetu,  Ûkiri nabu bükathingata. Alleluya! 7.  Indi gwatema ka-inda kûrio,  Atheru bariûkite gikuüne, Münene Jesû agakürüka. Alleluya! 8.  Kuuma ituri bia nthi kûraja,  Bagakinya antu babatheru,  Bakiinagira ithe, Mütana  Ona Kirundu uria Mutheru: Alleluya!

267. Gîtina gĩa Kanisa

  1.   Gîtina gĩa Kanisa  Ni Mwathani wetu  Nawe niwe weejire  Akiuma Îgûru      Eeje naja acue     Barĩa baûrîte     Ni kenda abagure     Na tharike yawe 2.  Atheru ba migongo Ya nthigürû yonthe  Baumburaga bonthe,  Witikio bwao bûmwe  Barijaga biakuria,  Bia Kiatho ki' Egürû Kiretage ûtugi  Büûng'anu kiri bo. 3.  Kanisa ni imenagwa.  Ikathiinua mono  Na ningi ikathüükua,  Ni antů bamwe bayo  Indi baria atheru  Baroombaga Kristo  Ûtukû bükürüke  Na rükiiri gükie. 4.  Mithangiko-ne yonthe,  Na ndüe-ne ing'entu,  Kanisa yeteerete  Ûkiri büüng'anu,  Na wirigiiro bwayo,  Ni küng'uananua mma  Na baria boombanire,  Ba mücii jwe-gürü. 5.  Tui twinthe ba gükû nthĩ,  Ni bütübuïrite,  Tugwatane na Mwathi  Na ntundu ya Igürü,  Nikenda kinya batuï  Tükinye kwa Ngai  Amwe na bau tutuîke...

268. Kûri ntuura înthongi

  1.  Kûri ntuura înthongi  Ûtüûro bwa Mürungu  Niju mucii jwa Jesû  Mutwonokia wetu  Nayo iri kugwirua  Na wega na wendo!  Güti üntû bübûũî  Na güti kieba ku. 2.  Riitwa rĩa ntuura îu  Ni Jerusalemu  Na niku îgita rionthe  Kwinagirwa Mwathi; Na baria booragirwe  Ni gwitikia Jesû  Bau nibo bathüümbaga  Uu mwene ntüüra. 3.  Rüriga rürünene  Rwitagwa rwa Daudi,  Niru akarîrîte  Mwathi wetu Jesû  Nabo barĩa boombire  Shaitani gükûnthĩ  Na antu baatheru bonthe  Bari kiatho-ne ku. 4.  Ntuûra îu nî înthongi  Ningî nî întheru  Na batuĩ Akristiano  Kuu niku gwetu  Jesû Mwathani wetu  Twakwerenca mono  Wiije na inya yaku  Ûtwikie Îgürü.

269. Kûri nthigürû înthongi mma

 1.  Kûri nthigürû înthongi mma  Nayo îtî matu;  Na werũ bwayo ni Jesû, Kuu güti utuku.     Twaa antũ ba Murungu,      No tugakinya ku,       Tugatüüranie nawe,     Amwe na atheru. 2.  Küri nthigürû înthongi mma,  Ni ya künogoka;  Na güti ndua nthi iu, Bonthe nibendeene. 3.  Küri ntüüra înthongi mma, Nayo iti mookia; Na baria twendeene nabo, Niku tukaboona. 4.  Nikio nitûkwenda mono Tügakinya kuu  Tütüûranie na Mwathani  Kügwirue-ne kwawe.

270. Kûri na nthigürû înthongi

 1.  Kûri na nthigürû înthongi,  Natui tugeetikia twamiona;  Amu Murungu nîku atwire.  Agituthithagiria ukaro.    Îgûru kwa Jesû.    Niku batui tugaceemania;    Iguru kwa Jesû,    Niku batui tugaceemania. 2.  Tûkaina ndwimbo inthongi, Iria cia antu barîa atheru;  Ona kinya irundu bietũ,  Bitikaigua rwakaï kairi. 3.  Nitukaathage ithe wetu,  Tükimücokagiria nkatho;  Tontů ni wendo bwawe wengwa, Bütümaga tui tügwiragua

271. Jesû endeete twana tunthe

1.  Jesû endeete twana tunthe, Naatwendete na nkoro; Twana twa güntû kunthe,  Nota tümwe kwa Jesû, Jesû endeete twana tunthe türï nthi. 2.  Jesû endeete twana tunthe,  Endaga gütütharima;  Natu tükamwitikia,  We atwigirua kĩao,  Jesû endeete twana tunthe turi nthĩ. 3.  Jesû endeete twana tunthe,  Agacoka gükû nthĩ; Riu nirio agatwikia,  Antûaathongi Igürü, Jesû endeete twana tunthe, türi nthi.

272. Riria Jesû agacoka

1. Riria Jesû agacoka,  Kwijira athuure;  Na athuure nibo antũ,  Baria aküürîte.    Bakathaara ta njota,     Bathaare ta nkünkũ;     Nou bakathongoma.     Athuure bawe. 2.  Akaboothurania bonthe.  Abaanie kwaew  Baria eega na baatheru,  Baria aküürite. 3.  Twana tütü, twana tütü,  Bwendeete Müküüri  Bui ni bui baria athuure, Athuure bawe.

273. Tükenke tuniini twareti kîrî Jesû

 1.  Tükenke tuniini  twareti kîrî Jesû,  Aritwa ba Mwathani  baragiria bang ina;  Riria Jesû oonere ûu,  arabakaania ta újű:  "Rekeni tükenke twîje kîrî ni."  2.  Twona úria Jesû  ambîîrie twana tütü,  Tümürombeni untu  bwa baria batimwiji  Nikenda bakamenyithua  gîtumi gîa nteto iji  "Rekeni tükenke twîje kîrî ni." 3.  Twana twa Amerũ  o na twa güntû kunthe.  Nitübuirite küritanwa  nteto cia Jesû:  Mwathani, tûma tûtwira  üria tukoomba kwonoka, Kenda twana tunthe twija kiri Gwe.

274. üri twana tuniini

1.  Türi twana tuniini  Tügwiragua Ni ndwimbo cia Mwathani  Tügiciina.       Tügwiragua, Tügwiragua,       Tükainaga njire-ne üria tügwita. 2.  Tütikarakaraga, Tugaciumia; Natui tütigatiga,  Kumwiinîra. 3.  Mwathani wetu Jesû,  Twakuromba  Türetere ûteethio  Na ütugi. 4.   Ni njira ya Igürû  Tükinyite,  Nikenda twewa mwoyo  Jwa gütüûra.

275. Jesû, Jesû, Mwendwa wakwa

 1.  Jesû, Jesû, Mwendwa wakwa  Uni ningũgwitikia  Mutharaba jwaku Jesû  Niju jukumbonokia.       Jesû Jesû ninkwendeete        Mücore ũmunene        Jesû Jesû Mümbonokia,        Nandi ningũgukumia. 2.  Jesû, Jesû, Mwendwa wakwa  Ni ngeetanagia nagwe  Nikwîthirwa ndĩ müthîîni,  Na jamaingi imbĩagia. 3.   Jesû, Jesû, Mwendwa wakwa  Gwe ûkoomba kunthambia,  Nkoro ta îjî iri na ruko  Na ûnthirîrie meeyia. 4.  Jesû, Jesû, Mwendwa wakwa  Ndakwerenca üntherie  Matuku-ne jakwa jonthe  Gwe Jesû ûnteethagie.

276. Jesû Mütharaba jwakwa

 1.  Jesû Mütharaba jwakwa,  Nandi ningúkamata;  Nthingate Mwathani wakwa,  Kinya bangi bamütiga.      Ndienda güküthingata Gwe,      Gwe wankuiriïre,       Kaba acoore bantige,       Nani nkuthingatage. 2.   Kinya bakanyamaaria añía,  Ngaciithaga kiri Gwe;  Mookĩa jonthe jambîjîîra,  Ni nkajomagîîria mma. 3.  Ni ntina guuru ya into,  Into bia nthigürûîjî;  Uni ndi gîtonga buru,  Ndina kiigai kwa Baaba. 4.  Mücoore nagwe ijaanga, Na wîîkire witikio;  Kenda ugakinya Îgürü,  Kügwirue-ne kwa Murungu.

277. Jesû ni ninciîtîtie

1.  Jesû ni ninciîtîtie,  mpe waku thiriria  Ûkarage akui,  Gwe Mwathani wakwa  Ntiumba gükira ndua,  üri amwe nani  Kana guaatia njira,  Gwe untongerectie. 2.   Mwathani kara akui,  tontu mïago ya nthĩ,  Iri na magerio maingi,  ja gütüaatithia,  Nabo anthu ni baabaingi,  batucîgirîîtie,  Mwathani wakwa nkuucia,  uncookie kiri Gwe. 3.   Mpumbithia nthikagîîre,  riria ukwaria nani  Nthi iri na manung'una  na matuma maingi  Ndienda umbathe kirira,  na umbonagîîrie  Mwonokia wakwa aria,  no nthikîîrîte. 4.  Mwathani waciîtîîrie,  baria bakweendaga,  Ati Gwe ukabaa,  unene bwaku,  Na uni ninciîtîtie,  mpe waku thirîria,  Mwathani mpumbithagia,  nkuthingatage Gwe. 5.  Mwathani kambîtîîre,  aria witagîîra,  Makinya jaku jonthe,  nkuthingatage Gwe,  Mbitithia na inya yaku,  nigwe nciraaîtie  Kenda ngaa...

278. Mathukia jakwa jonthe

1.  Mathukia jakwa jonthe  nî murigo munene,  Jesû ajakamatîte  aajata kuraja;  Migiro yakwa yonthe  Jesû namîthirîtie,  Ndina nkoro înjeru  na Murungu anciara. 2.   Mobaru jakwa jonthe  nkajaikagiria Jesû,  Na into bionthe biega  nkaacjagwa niwe;  Mathina jakwa jonthe  jaria mpeetwe ni antů,  Jesû akajakamata  mpe ümöbooreru. 3.   Riria ni nkuthangika  nkagwatwa ni marürû Mpeendaga künogoka  o njare-ne ciaku;  Riitwa riu riaku Jesû,  ni nkaariendaga mono, Na Mumbonokia wakwa,  ni nkamweendaga mma. 4.  Ni ninkwenda kwigagua  nteto ciaku Jesû,  Mpe muntu umwagiru  na umubooreru;  Ninkwenda kuri aana  gîkaro-ne gïaku,  Nkagwate ngugi yaku  kwa Mürungu Igürü.

279. Mwathani nandi intigîîte

 1.  Mwathani nandi intigîîte,  mantu ja nthigûru îjî  Ndieda güküthingataga,  nkinye Mutharabe-ne  Ndina ûkia bûbwingi mono,  antu bonthe bantigîîte  Gwe Jesû ûtiîtîkîrîkia,  guntiga mwanka kenya. 2.   Jesû ni nînküriikana  uria waathuriirwe mma,  Bakirega kûgwitikia,  bagîgütiga bonthe  Nkaaîîrua ni acoore bakwa,  kana bakamena mono  Nkainaga na nkoro yakwa,  Mwathani ni Mücoore! 3.  Ni nkaraga ta mugendi,  urarîrîîte kwaitha  Mbetereete mbona mwago,  jwa Mumbonokia wakwa;  Ntiumba kuraithîrîria thina,  nonga weru bwa Mwathani  Ngatüraaga na kugwirua,  mwoyo-ne jwakwa junthe.

280. Ndi waku Mürungu

 1.  Ndi waku Mürungu,  mugambo jwaku  Ijumboneetie wendo bwaku;  Ninkwenda mono ati ngwitîkie,  Nagwe ûnkuucie kiri Gwe.       Jesû nkuucia,       nkuucia mbije kiri Gwe,       Nkinye Mütharabe-ne;       Jesû nkuucia,       nkuucia mbije kiri Gwe       'Menye gikuu gîaku. 2.  Ûmbathurage  nditage ngũgĩ  Iria ya güküthümba Gwe;  Nthithagie o uria  Gwe weendaga  Ntüüre nkwirîgîîrîte. 3.  Ningwiragua  îgita ria kuromba,  O riria nturîtie maru;  Tontu riu nirio mbaragia nagwe,  Nkaigua mugambo jwaku. 4.   Wendo bwaku  Gwe butîmenyeka,  Mwanka tugaakinya gwaku;  Naku kugwirua gukwiingi gwaku,  Ûgatüaa Îgûru.

281. Ndaagwiriirue ntuku îrîa

 1.  Ndaagwiriirue ntuku îrîa  Ndaathuurire Mumbonokia;  Nandi nkaritana kunthe,  Ati Jesû ni Umwega.       Müthenya Jumwega       Jüria ndaathambiirue nkoro:       Na ndiroonua kumûromba,       Ngatüüraga nkigwiragua,       Müthenya Jumwega       Jüria ndaathambiirue nkoro; 2.  Nandi ndomba kûnogoka,  Nthiritie nkanja nkoro-ne;  Ngatengüra jangi jonthe.  Nthingatane na Mwathani. 3.  Wendo buûnene bwa Baaba,  Bwatumire twigithanua:  Naambitire, ndîreetîka,  Nandi ndi wa bûürûyawe. 4.  Ndîguciîtiria Mwathani  Ati ntîkarîmũmena;  Kinya gikuũ gitigiria  Mbonana na Mumbonokia.

282. Nimbateerue nigwe Mwathani mutugi

1.  Nimbateerue nigwe  Mwathani mutugi; No mugambo jwaku  jumba kumbooreria.      Nimbatarîtue nigwe,      nimbatarîtue nîgwe      Untharime, Müküüri,      nkwîja kîrî Gwe 2.  Nimbateerue nîgwe  mbîîkaga akui  Magerio joombagwe,  rîria Gwe ûrî o 3.  Nimbateerue nigwe  o magita jonthe:  Ja kieba na rwakai,  kinya ja kügwiru 4.  Nimbateerue nigwe,  o Gwe ûmütheru  Umbathüre nandi,  Mütan-o-Mürungu.

283. Thirieni nkanja, büthaûritwe

  1.  Thirieni nkanja, büthaûritwe, Ibüküüritwe na tharike;  Jesû aakuire bûrekerwe, Na meeyia jenu jarathirua,     Tümagiirieni nteto ciawe,     Mwinagireni ntuku cionthe,     Antu ba meeyia baraküürwa;      Ni Jesû Kristo na tharike, 2.  Niwe ûtumaga tugwirua, Na natweejaga mwago jwawe,  Na natumaga ntumwa ciawe,  Igatureetere utethio. 3.  Kirundu arî nkoro-ne ndene,  Nambigiithagia ubooreru;  We naambîraga, ntîkaamake,  Nandi ndi wawe mwanka kenya. 4.  Thirieni nkanja bwije na mpwĩ,  Guti wonokio kiri îngî;  Mwago jwa mwîrî jûkaathira,  Mwago jwa Jesû jûgatüüra.